Mason Mount og Tammy Abraham.
Frank Lampard, stjóri Chelsea.
Chelsea vann um helgina góðan 4-2 sigur gegn Úlfunum og er liðið með átta stig eftir fimm umferðir í ensku úrvalsdeildinni.
Frank Lampard, goðsögn hjá Chelsea, tók við liðinu í sumar og hefur hann verið duglegur að gefa yngri leikmönnum tækifærið í upphafi tímabils.
Einn af þessum yngri leikmönnum, hinn 21 árs gamli Tammy Abraham, skoraði þrennu þegar Chelsea vann Wolves og er hann markahæsti leikmaður ensku úrvalsdeildarinnar með sjö mörk eftir fimm leiki. Hann gerði reyndar líka sjálfsmark í leiknum í gær.
Alls hefur Chelsea skorað 11 mörk í ensku úrvalsdeildinni á þessu tímabili. Öll mörkin hafa komið frá leikmönnum sem hafa komið upp í gegnum akademíu félagsins.
Mörk Chelsea í ensku úrvalsdeildinni á tímabilinu:
Tammy Abraham (21 árs) - 7 mörk
Mason Mount (20 ára) - 3 mörk
Fikayo Tomori (21 árs) - 1 mark
Gary Lineker, fyrrum landsliðsmaður Englands og núverandi þáttastjórnandi Match of the Day, bendir svo á það á Twitter að Chelsea hafi nú þegar gefið leikmönnum yngri en 21 árs fleiri mínútur á þessu tímabili en á öllum öðrum tímabilum, heilum tímabilum, síðan 2005.
Skemmtilegir hlutir í gangi hjá Chelsea.
Interestingly, or otherwise, @ChelseaFC have already given more minutes to under 21 players in their opening few games of this season than in the entirety of any other season since 2005.
— Gary Lineker (@GaryLineker) September 14, 2019
Athugasemdir
