Jón Sölvi Símonarson, markvörður Breiðabliks, er þessa dagana á reynslu hjá danska félaginu Midtjylland en Blikar greina frá þessu á Facebook.
Jón Sölvi er fæddur árið 2007 og á 5 leiki að baki með U17 ára landsliði Íslands.
Í vor bauð Midtjylland honum að æfa og spila með liðinu í U16 ára móti og stóð hann sig það vel að félagið ákvað að bjóða honum í annað sinn.
Hann er staddur í Brasilíu með Midtjylland þar sem hann mun taka þátt í æfingamóti.
Efnilegur markvörður hér á ferð en hann spilaði bæði með 3. og 2. flokki Blika á Íslandsmótinu í sumar.
Athugasemdir
