Grótta og Ægir fá leikmenn frá Víkingi R. (Staðfest)

Sigurður Steinar Björnsson fer til Gróttu sem leikur í Lengjudeildinni og endaði í þriðja sæti á síðustu leiktíð. Sigurður er fæddur 2004 og hefur komið við sögu í sex leikjum með Víkingi í Bestu deildinni.

Í fyrra kom hann inn af bekknum í 8-liða úrslitum Mjólkurbikarsins og skoraði síðasta markið í 5-3 sigri gegn KR. Þá á hann eitt mark í fjórum landsleikjum með U19.

Sigurður þykir mikið efni og fór til Venezia á reynslu í fyrravor.

Á sama tíma fer Jóhannes Karl Bárðarson, fæddur 2003, til Þorlákshafnar á lánssamningi. Þar mun hann leika með Ægi í 2. deildinni, en Ægir endaði í þriðja sæti í fyrra.