Jón Breki í leik gegn Spánverjum með U17 landsliðinu.
ÍA hefur tilkynnt samkomulag við ítalska félagið Empoli um að hinn efnilegi Jón Breki Guðmundsson fari á lánssamning til Empoli í sex mánuði.
Ítalska félagið hefur kauprétt á leikmanninum á meðan á lánsdvöl stendur.
Ítalska félagið hefur kauprétt á leikmanninum á meðan á lánsdvöl stendur.
„Jón Breki sem er fæddur 2008 stoppar stutt við hjá félaginu en hann kom til ÍA frá KFA um mitt sumar. Jón Breki spilaði í framhaldinu 5 landsleiki með u17 ára landsliði Íslands sem er komið í aðra umferð í undankeppni EM 2025. Jón Breki var hluti af sterkum 2.flokk félagsins sem varð bikarmeistari í haust. Buona fortuna Jón Breki!" segir í tilkynningu ÍA.
Jón Breki kom við sögu í tólf leikjum með KFA í 2. deild karla síðasta sumar, einum leik í Mjólkurbikarnum og tveimur í Fótbolti.net bikarnum.
Athugasemdir
