Mason Greenwood hefur hitt og spjallað við nokkra leikmenn Manchester United en þetta kemur fram í breskum fjölmiðlum.
Það kom fram á dögunum að leikmenn United væru ekki sammála um hver örlög Greenwood ættu að vera en félagið rannsakar málið hans eftir að ákærur á hendur honum voru felldar niður.
Hann var ákærður fyrir tilraun til nauðgunar, ofbeldisfulla hegðun og líkamsárás gegn kærustu sinni.
Greenwood er sagður hafa hitt nokkra leikmenn í einrúmi til að útskýra mál sitt og sent skilaboð á samfélagsmiðlum á aðra.
Nokkrir leikmenn liðsins hafa verið með honum frá því í akademíunni en þeir eru sagðir 100% einbeittir á að klára tímabilið hjá United.
Athugasemdir
