„Frábær frammistaða í kvöld, allir gáfu allt sem þeir áttu, meira segja strákarnir á pöllunum," sagði Tomas Tuchel, stjóri Chelsea, eftir sigurinn á Atletico Madrid í kvöld.

Chelsea virtist ekki eiga í neinum vandræðum með toppliðið frá Spáni. Gestirnir náðu lítið sem ekkert að ógna marki Chelsea og að lokum vann Chelsea einvígið sannfærandi með þremur mörkum gegn engu.

„Þeir reyndu að pressa okkur í fyrri hálfleiknum og opnuðu þá svæði fyrir okkur á miðjunni. Við vorum að þjást í nokkrar mínútur í síðari hálfleik en við vorum tilbúnir að gera allt til þess að vinna leikinn."

Umdeilt atvik átti sér stað í fyrri hálfleik þegar Cesar Azpilicueta virtist brjóta af sér innan vítateigs. Hvað fannst Tuchel um það?

„Azpi virkaði hræddur því að sendingin hans virtist vera of laus. Ég sá þetta ekki vel en það var hræðsla."

Tuchel er enn taplaus með Chelsea liðið eftir þrettán leiki og er það nýtt met. Aldrei hefur nýr þjálfari hjá Chelsea náð að byrja jafn vel og Þjóðverjinn.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit