„Ég var nokkuð ánægður með mína enn, viljinn og hugarfarið var til staðar. Við erum að mæta Stjörnuliði sem var sært og þeir komu mjög grimmir til leiks," sagði Jóhannes Karl Guðjónsson þjalfari ÍA eftir markalaust jafntefli við Stjörnuna í kvöld.
Lestu um leikinn: ÍA 0 - 0 Stjarnan
„Ég var að mörgu leiti mjög sáttur, þetta var heill leikur hjá okkur. Það hefur vantað hjá okkur að ná ekki að klára leiki með góðum frammistöðum. Mér fannst þetta skref í rétta átt hvað það varðar. Að því sögðu fáum við góð færi þegar við sleppum tvisvar í gegn og Morten Beck er óheppinn hvernig hann hittir fyrirgjöf frá Gísla Laxdal í markteig."
„Ég er ánægður með margt en hefði viljað vinna leikinn. Þegar leið á leikinn erum við ennþá að keyra á Stjörnumennina meðan þeir eru að setja langa bolta á okkur og eru góðir í því. Mér fannst við skapa tækifæri til að landa þessum sigri."
Viktor Jónsson og Gísli Laxdal komust einir í gegn en klúðruðu góðum færum.
„Ég vil ekki meina að við séum að klúðra. Báðir strákarnir sem komust í þessi færi eru að gera það sem við erum að biðja þá að gera að koma honum í hornið framhjá markverðinum. Þetta var virkilega vel varið hjá Halla, ég hefði viljað sjá allavega annan boltann fara í netið og þetta hefði geta snúist í átt að markinu en því fór sem fór.">
Nánar er rætt við Jóa Kalla í sjónvarpinu að ofan. Hann ræðir þar frammistöðu Dino Hodzic og meiðsli Árna Snæs Ólafssonar auk næsta leiks gegn HK. Hann segist meðal annars ætla að æfa í Akraneshöllinni fyrir næsta leik gegn HK í Kórnum.
Athugasemdir
