„Ég er mjög sáttur við leikinn. Mér fannst við vera góðir í þessum leik. Þetta var reyndar hörku leikur, hart tekist á eins og við vissum. Leiknis liðið er með mjög öflugt lið og þeir fengu sína sénsa en mér fannst við fá mun fleiri sénsa og áttu að skora fleiri mörk og vinna þennan leik, mér fannst það," sagði Sigurbjörn Örn Hreiðarsson, þjálfari Grindavíkur, eftir leikinn í dag.
Lestu um leikinn: Grindavík 1 - 1 Leiknir R.
Sigurbjörn sagði að leikurinn hafi verið góður og var hann svekktur með að taka ekki öll stigin.
„Leiknir er ekki betra lið en við, þó það séu einhver stig þarna á milli, það er eins og það er. Við töpum ekki leikjunum en það fæst lítið fyrir jafntefli. Leikurinn í dag var mjög góður, leikmenn að leggja sig fram, góðar aðstæður, gott að það var frestað þessum leik og ég held að áhorfendur hafi skemmt sér vel. Þetta er leikur sem við hefðum átt að vinna."
„Ég var svekktur með að Alexander fékk rautt. Aukaspyrnan hérna, dómarinn missir það í tómt rugl," sagði Sigurbjörn um rauða spjaldið hjá sínum leikmanni.
Athugasemdir
