Viðræður Barcelona við Dembele sigldu í strand á dögunum þar sem launakrföur leikmannsins voru óraunhæfar.

Samningur hans við Börsunga rennur út í sumar en Newcastle er eitt þeirra félaga sem hefur sýnt honum mikinn áhuga. Dembele var keyptur til Barcelona frá Borussia Dortmund fyrir 130 milljónir punda árið 2017 en hann hefur þó staðist þær væntingar sem gerðar voru til hans.

„Þessar ógnanir virka ekki á okkur. Það virkar kannski á umboðsmenn sem eru partur af þessu gamla Barcelona-gengi, en það er ekki raunin með mig. Ég er hér til að vernda hagsmuni Dembele," sagði Sissoko við RMC.

„Við erum ekki hér til að hella olíu á eldinn á samfélagsmiðlum en sannleikurinn verður að koma í ljós. Já, við erum með ákveðnar kröfur, en við höfum þegar sýnt að ákvarðanir Dembele á ferlinum eru ekki stýrðar af peningum, annars væri hann ekki hér."

„Ef Barca hefði einhvern áhuga á að ræða við okkur þá hefðu þeir gengið að borðinu til að ræða saman. Það hafa engar viðræður átt sér stað, bara hótanir um að spila honum ekki ef hann ákveður ekki að framlengja. Það er bannað og við munum leita réttar hans ef þess þarf," sagði hann í lokin.

Frá því Dembele samdi við Barcelona hefur hann spilað 129 leiki, skorað 31 mark og lagt upp 23.