Áki Sölvason er genginn í raðir Dalvíkur/Reynis sem mun spila í 2. deildinni í sumar.
Áki er fæddur árið 1999 og er uppalinn hjá KA. Hann hefur spilað með Völsungi, KF, KA, Dalvík/Reyni og Magna á sínum ferli til þessa og á að baki 34 mörk í 82 leikjum á sínum meistaraflokksferli.
Kappinn skrifar undir tveggja ára samning við Dalvík en hann var markahæsti leikmaður 2. deildar á síðasta tímabili þar sem hann gerði 17 mörk í 21 leik.
Áki spilaði með Dalvík/Reyni árið 2016 og árið 2020 svo hann er ekki að fara í bláu treyjuna í fyrsta skiptið á sínum ferli.
Dalvík/Reynir lenti í 2. sæti í 3. deildinni á síðustu leiktíð og komst því upp. Dragan Stojanovic tók við liðinu í vetur en liði mætir Magna frá Grenivík í fyrstu umferð Lengjubikarsins á morgun.
Þær frábæru fréttir voru að berast að sóknarmaðurinn Áki Sölvason hefur gert tveggja ára samning við Dalvík/Reyni.Áki, sem er uppalinn KA maður, lék á síðasta tímabili með völsungi og var markahæsti leikmaður 2. deildar með 17 mörk í 21 leik. Bjóðum áka innilega velkomin í blátt pic.twitter.com/WL1t1czi16
— Dalvík/Reynir (@dalvik_reynir) February 18, 2023
