Marko Arnautovic, sóknarmaður Bologna á Ítalíu, lenti saman við þjálfara liðsins, Thiago Motta, á æfingu á miðvikudeginum síðasta.
Þessu greinir Gazzetta dello Sport en Motta var sagður vera ósáttur með hugarfar leikmannsins sem tók illa í ummæli þjálfarans sem endaði með rifrildum þeirra á milli. Þeir náðu þó sáttum að lokum.
Arnautovic er í banni í dag þegar Bologna mætir Sampdoria í Serie A deildinni en hann er með fimm gul spjöld á bakinu.
Motta talaði við fjölmiðla og þar sagðist hann ekki vera viss hvort að Arnautovic myndi byrja inn á í leiknum gegn Inter Milan í næstu viku.
„Hann er í banni gegn Sampdoria þannig að hann fær lengri tíma til að komast í betra stand. Hann verður vonandi klár í slaginn gegn Inter,” sagði Motta.
„Þegar hann verður klár, þá ákveð ég hvort hann byrjar eða ekki.”
Arnautovic hefur átt gott tímabil en hann hefur skorað átta mörk til þessa.