Mynd: EPA

Man City komst í efsta sæti deildarinnar í miðri viku með frábærum 1-3 útisigri á Arsenal en Skytturnar eiga þó leik til góða. Eins og staðan er núna er Man City með betra markahlutfall heldur en Arsenal.

Arteta segir að áhorfendur sjái hvernig Arsenal er að gera hlutina og fólk sé hrifið af því. Hann var spurður að því hvort hann haldi að hlutlausir stuðningsmenn og áhorfendur haldi með Arsenal frekar en City.

„Já, ég er sammála því,” sagði Spánverjinn.

„Útaf því sem þau sjá, fólk hefur mikla samúð með okkur, með okkar leikmenn og hvernig við höfum gert hlutina.”

„Ég held að við höfum aldrei verið líklegasta liðið til að vinna deildina. Það hefur ekki breyst. Man City hefur verið líklegasta liðið frá degi númer eitt því félagið hefur verið í þessari stöðu síðustu fimm tímabil.”

Arsenal mætir Aston Villa á útivelli í hádeginu í dag á meðan Man City heimsækir nýliða Nottingham Forest klukkan 15.