Fótboltamaðurinn Christian Atsu fannst látinn undir rústum heimilis síns, tæplega tveimur vikum eftir jarðskjálftann í Tyrklandi. Umboðsmaður hans hefur staðfest þetta.
Atsu var 31 árs og var hjá Everton, Chelsea og Newcastle á ferli sínum.
Atsu var 31 árs og var hjá Everton, Chelsea og Newcastle á ferli sínum.
Atsu hafði verið saknað síðan 6. febrúar þegar jarðskjálftinn olli því að íbúðarhús hans hrundi í tyrknesku borginni Hatay.
Félag hans, Hatayspor, tilkynnti að Atsu hefði verið dreginn slasaður úr rústunum en degi síðar kom í ljós að þær upplýsingar voru rangar.
Í dag skrifaði Nana Sechere, umboðsmaður Atsu, tilkynningu á Twitter um að lík Christian Atsu hefði fundist undir rústunum núna í morgun.
„Mín dýpsta samúð til fjölskyldu hans og ástvina. Ég vil nota tækifærið og þakka öllum fyrir stuðning þeirra og bænir," skrifaði Sechere.
Atsu gekk í raðir tyrkneska úrvalsdeildarfélagsins Hatayaspor í september 2022 og skoraði sigurmarkið í tyrkneskum deildarleik þann 5. febrúar.
Yfir 40 þúsund manns eru staðfest látin eftir jarðskjálftana í Tyrklandi og Sýrlandi.
It is with the heaviest of hearts that I have to announce to all well wishers that sadly Christian Atsu’s body was recovered this morning
— Nana Sechere (@iAmNana7) February 18, 2023
My deepest condolences go to his family and loved ones. I would like to take this opportunity to thank everyone for their prayers and support
Athugasemdir