Ísak John Ævarsson og Jón Gunnar Sæmundsson hafa skrifað undir nýja samninga við Víði.
Ísak sem er fæddur árið 2000 er uppalinn hjá Njarðvík en tók sín fyrstu skref í meistaraflokki með Víði árið 2019 og hefur leikið 61 leik og skorað 9 mörk síðan.
Jón Gunnar er leikjahæsti leikmaður liðsins í dag með 147 leiki og 8 mörk. Hann er fæddur árið 1993 og á leiki með Víði og Keflavík í yngri flokkum en lék sinn fyrsta meistaraflokksleik með Víði árið 2012.
„Það er mikið ánægjuefni að halda þessum miklu Víðismönnum innan okkar raða." Segir í tilkynningu frá félaginu.
Athugasemdir
