Napoli vann 2-0 útisigur á Sassuolo í gærkvöldi og er liðið því komið með hvorki meira né minna en átján stiga forystu á toppi deildarinnar.
Khvicha Kvaratskhelia kom Napoli yfir eftir tæplega stundarfjórðung en hann fékk þá knöttinn á miðjum velli og brunaði áfram.
Hann lék á nokkra leikmenn Sassuolo áður en hann skoraði með hnitmiðuðu skoti í nærhornið.
Kappinn er nú kominn með 10 mörk og 9 stoðsendingar í 19 leikjum en þetta var þriðja markið hans í þremur síðustu leikjum með liðinu.
Hann er mjög eftirsóttur af stórliðum um alla Evrópu en ekki er talið líklegt að Napoli leyfi bæði honum og Victor Osimhen að fara í sumar.
Osimhen skoraði einnig í gær en þessir tveir leikmenn hafa verið að valta yfir ítölsku deildina á þessari leiktíð. Áhugavert verður að sjá lið Napoli í útsláttarkeppni Meistaradeildar Evrópu.
Sjáðu markið snyrtilega hérna.
