Hassan Jalloh mun klára tímabilið með Dalvík/Reyni
Dalvík/Reynir í Lengjudeild karla hefur fengið sóknarmanninn Hassan Jalloh á láni frá Grindavík út tímabilið.
Jalloh er 25 ára gamall og getur leyst flestar stöður framarlega á vellinum.
Hann kom fyrst til landsins árið 2022 og lék þá með HK í Lengjudeildinni.
Framherjinn skoraði átta mörk á fyrsta tímabili sínu með HK er liðið komst upp í Bestu deildina en tókst ekki að skora í 24 leikjum sínum með liðinu á síðasta ári.
Hassan skipti yfir í Grindavík fyrir þetta tímabil og hafði gert eitt mark í níu deildarleikjum áður en hann var lánaður í Dalvík/Reyni í dag.
Dalvík/Reynir er á botninum í Lengjudeildinni með 8 stig eftir tólf leiki. Hassan ætti að vera löglegur þegar liðið heimsækir ÍBV á laugardag.
Athugasemdir
