Spánn: Tvö fjörug jafntefli

Cadiz fékk Levante í heimsókn og leikurinn fór frábærlega af stað. Alberto Perea kom heimamönnum yfir strax á 4. mínútu en stuttu síðar gerði Roger Marti tvennu fyrir heimamenn á þriggja mínútna kafla og gestirnir því komnir yfir.

Juan Cala jafnaði metin fyrir heimamenn á 28. mínútu og staðan 2-2 í hálfleik. Þannig lauk leiknum og er Cadiz í 8. sæti deildarinnar en Levante í því 11.

Fallbaráttuslagur Valladolid og Elche endaði einnig 2-2. Josan kom gestunum yfir með tveimur mörkum og leit allt út fyrir sigur Elche. Valladolid gafst ekki upp og minnkaði Michel muninn þegar 19. mínútur voru eftir. Joaquin Fernandez jafnaði svo metin á 89. mínútu og þar við sat. Valladolid er í 16. sæti deildarinnar en Elche í 18.

Cadiz 2 - 2 Levante
1-0 Alberto Perea ('4 )
1-1 Roger Marti ('8 )
1-2 Roger Marti ('11 )
2-2 Juan Cala ('28 )

Valladolid 2 - 2 Elche
0-1 Josan ('9 )
0-2 Josan ('43 )
1-2 Michel ('71 )
2-2 Joaquin Fernandez ('89 )
Rautt spjald: Roque Mesa, Valladolid ('90)