Aron Kári, sem er 22 ára gamall, spilaði sex leiki með Frömurum í Lengjudeildinni á síðustu leiktíð er liðið fór í gegnum deildina án þess að tapa og bætti stigamet á leið sinni upp í efstu deild.

Hann hefur síðustu tvö tímabil verið á láni hjá Fram frá Breiðabliki og spilað 19 leiki og skorað 1 mark í deild- og bikar.

Samkvæmt heimildum Fótbolta.net er Fram nú í viðræðum við Breiðablik um að fá Aron Kára alfarið til félagsins. Framtíð hans ætti því að skýrast á næstu vikum.

Fram undirbýr sig af krafti fyrir komandi tímabil en fyrsti leikur liðsins er gegn KR á laugardag í Reykjavíkurmótinu.