Calik, sem var 27 ára gamall, lést í bílslysi í Ankara þann 11. janúar, en hann hafði verið á mála hjá Konyaspor frá 2020.

Hann lék áður með Galatasaray og Genclerbirligi og átti þá átta landsleiki og eitt mark fyrir Tyrkland.

Amar Rahmanovic skoraði eina mark Konyaspor í sigrinum á Adana í gær en íslenski landsliðsmaðurinn Birkir Bjarnason lék allan leikinn í liði Adana.

Stuðningsmenn köstuðu rauðum rósum inn á völlinn til að heiðra minningu hans, dönsuðu og trölluðu á pöllunum. Leikmenn liðsins fögnuðu svo í leikslok með að lyfta treyju Calik á loft.