Ólafur Kristjánsson var að mörgu leyti ánægður með leik sinna manna gegn Gróttu í Lengjubikarnum fyrr í kvöld. Leikurinn fór fram í Skessunni, nýju knatthúsi FH-inga og lauk með 1-1 jafntefli.

„Ég var nokkuð ánægður með andann í liðinu og það sem menn voru að gera úti á vellinum, það voru ákveðnir hlutir sem við töluðum um fyrir leikinn og höfum talað um undanfarið og mér fannst það lengstum vera í fínu lagi. Auðvitað hefði maður kannski viljað skora fleiri mörk en það er eins og gengur, við söknuðum Mortens (Beck) hann tekur mikið til sín og hefur verið öflugur fyrir okkur.''

Morten Beck og Gunnar Nielsen voru ekki með og þá var Daði Freyr á varamannabekk FH, vantaði fleiri leikmenn inn í lið FH?

„Nei við stilltum upp með fína 11, Óskar sem skoraði markið var mjög góður, 2002 strákur. Logi sem spilaði allan leikinn er fæddur 2004 þannig að við söknuðum engra í dag.''

Viðtalið í heild sinni má sjá í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit