Fimm sem gætu tekið við Tottenham ef Mourinho verður rekinn

Julian Nagelsmann, hinn umtalaði ungi stjóri, er fyrst nefndur. Þjóðverjinn heldur um stjórnartaumana hjá RB Leipzig og talið er tímaspursmál hvenær hann mæti í ensku úrvalsdeildina.

Tveir stjórar sem nú starfa í ensku deildinni eru einnig nefndir. Brendan Rodgers hjá Leicester og Ralph Hasenhuttl hjá Southampton.

Massimiliano Allegri vann fjölda titla með Juventus og AC Milan en hefur ekki þjálfað utan Ítalíu. Hann viðurkenndi í viðtali í fyrra að hann væri að læra ensku.

Að lokum er Rafa Benítez nefndur en hann er án starfs. Hann er kannski ekki nafnið sem fær stuðningsmenn Tottenham til að rísa úr sætum en gæti verið góður kostur í að rétta skipið af.