Udinese vann frábæran 3-1 sigur á AC Milan í gær í Serie A deildinni á Ítalíu en sigurinn var kærkominn fyrir Udinese. Liðið byrjaði tímabilið frábærlega en það entist ekki lengi.
Marco Silvestri, markvörður Udinese, varði vítaspyrnu frá Zlatan Ibrahimovic í gær en því miður fyrir markvörðinn þá þurfti að endurtaka spyrnuna vegna þess að leikmaður Udinese var kominn inn í teiginn áður en Zlatan sparkaði í boltann. Sá sænski tók spyrnuna því aftur og skoraði.
Silvestri hefur ekki náð að verja vítaspyrnu í Serie A deildinni á ferli sínum. Þetta hefði verið fyrsta vítaspyrnu varslan hans en allt kom fyrir ekki.
Það sem er ótrúlegt við þetta er að þetta var í þriðja skiptið á síðustu tólf mánuðum sem Silvestri ver vítaspyrnu sem þarf að endurtaka vegna þess að samherji hans er mættur of snemma í vítateiginn.
Ótrúlegt staðreynd en ítalskir fjölmiðlar skrifa um það að álög hvíli á ítalska markverðinum. Hann lék með Leeds United á árunum 2014-2017 en hefur annars allan sinn feril spilað í heimalandinu.
Marco Silvestri is cursed - Check out how CRAZY this is ????
— Italian Football TV (@IFTVofficial) March 18, 2023
Silvestri saved Zlatan's penalty - but then it had to be retaken because a defender encroached in the box.
It would have been his FIRST penalty save in Serie A, but thats not the crazy part...
This has now happened to… https://t.co/8uk3ZjiAHW pic.twitter.com/JE5pfeGs3R