Það var óvænt hetja í sigri Vals gegn ÍR í undanúrslitum Lengjubikarsins þegar liðin mættust á Hlíðarenda í gær.
Ögmundur Kristinsson, markvörður Vals, fékk að líta rauða spjaldið eftir rúmlega hálftíma leik og Stefán Þór Ágústsson kom inn á fyrir hann.
Ögmundur Kristinsson, markvörður Vals, fékk að líta rauða spjaldið eftir rúmlega hálftíma leik og Stefán Þór Ágústsson kom inn á fyrir hann.
Lestu um leikinn: Valur 6 - 5 ÍR
Stefán er fæddur árið 2001 og gekk til liðs við Val síðasta vetur frá Selfossi, þrátt fyrir ungan aldur hefur hann spilað yfir 130 leiki í meistaraflokki. Hann kom við sögu í einum leik í Bestu deildinni í fyrra.
Stefán gerði sér lítið fyrir og varði eina vítaspyrnu í venjulegum leiktíma og tvær í vítaspyrnukeppninni. Srdjan Tufegdzic, Túfa, þjálfari Vals, var spurður út í Stefán eftir leikinn.
„Stefán er búinn að vera á mikilli uppleið í vetur. Strákur sem leggur hart á sig, er heiðarlegur og duglegur. Yfirleitt þegar þú leggur svona vinnu í þetta eiins og hann er búinn að gera þá gerast góðir hlutir og þú færð þetta til baka," sagði Túfa.
Athugasemdir
