Tampa Bay Sun vann þriðja leikinn sinn í röð í bandarísku kvenna deildinni í nótt.
Andrea Rán Snæfeld Hauksdóttir er leikmaður Tampa Bay en hún sat á varamannabekknum þegar liðið lagði DC Power í nótt 1-0.
Tampa Bay er í 3. sæti með 36 stig eftir 23 umferðir. Liðið er fjórum stigum á eftir toppliði Carolina Ascent þegar fimm umferðir eru eftir fyrir úrslitakeppnina.
Andrea lék fyrri hálfleikinn í 4-1 sigri á Lexington í síðustu umferð en sá leikur var aðeins fjórum dögum eftir leik Íslands og Sviss í ÞJóðadeildinni þar sem Andrea var í hópnum. Andrea hefur leikið ellefu leiki á tímabilinu.
Athugasemdir
