Landsliðskonan heldur áfram að gera stórkostlega hluti á tímabilinu en hún er á láni frá þýska félaginu Bayern München.

Inter var mun betra liðið í leiknum en þau tvö dauðafæri sem Roma fékk var skot í stöng og ein tilraun sem fór rétt framhjá markinu.

Cecilía hélt hreinu í níunda sinn í deildinni, oftast allra markvarða í deildinni.

Því miður fyrir Inter er titilbaráttunni lokið eftir 2-0 sigur Juventus á AC Milan í gær.

Tímabilið samt mjög jákvætt hjá Inter og er stórkostlegur árangur liðsins að miklu leyti Cecilíu að þakka. Ekki skemmdi fyrir að sigurinn í dag tryggði liðinu sæti í Meistaradeild Evrópu fyrir næstu leiktíð og það í fyrsta sinn í sögunni.

Dagný Brynjarsdóttir og stöllur hennar í West Ham gerðu markalaust jafntefli við titilbaráttulið Manchester United í Lundúnum.

Dagný kom inn af bekknum þegar tíu mínútur voru til leiksloka og hjálpaði West Ham að landa stiginum

West Ham er í 7. sæti með 20 stig en þessi tvö töpuðu stig hjá Man Utd skemmdi fyrir liðinu í titilbaráttunni. Liðið er nú með 43 stig, fimm stigum frá toppnum þegar þrjár umferðir eru eftir.

Málfríður Anna Eiríksdóttir spilaði í markalausu jafntefli B93 gegn Thisted. B93 er í 3. sæti í fallriðli dönsku úrvalsdeildarinnar með 5 stig.

Bryndís Arna Níelsdóttir byrjaði í liði Växjö sem tapaði fyrir Häcken, 3-1, í sænsku úrvalsdeildinni. Växjö er með 3 stig eftir fjóra leiki.

Hildur Antonsdóttir spilaði á miðsvæði Madrid sem gerði 1-1 jafntefli við Athletic Bilbao í Liga F á Spáni. Hún fór af velli þegar fimmtán mínútur voru eftir en Ásdís Karen Halldórsdóttir var ónotaður varamaður.

Madrid er í 10. sæti með 29 stig þegar fjórar umferðir eru eftir af deildinni.