Ronaldo hefur verið með allra bestu leikmönnum heims síðustu tvo áratugi en hann og Lionel Messi eru nöfn sem koma iðulega fram í umræðunni um þann allra besta.

Gerrard, sem mætti Ronaldo oft á ferli sínum, telur að Ronaldo sé sá allra besti, en þetta sagði hann í viðtali við sádi-arabísku deildina á dögunum.

Hann segir komu hans til Sádi-Arabíu hafa breytt leiknum og varð það til þess að hann fékk áhuga á því að þjálfa í landinu, en hann tók við liði Al-Ettifaq í júlí.

„Koma „geitarinnar“ eins og við köllum hann, Cristiano Ronaldo, var auðvitað risastórt. Það er helling af fótbolta eftir í honum. Þannig ég fór að fylgjast með úrslitum hjá honum í deildinni, horfði á nokkra leiki og helstu punkta. Frá því augnabliki var deildin á milli tannanna á fólki. Eftir komu hans komu fleiri stærri nöfn í deildina og á þeim tímapunkti var ég að leita að næsta tækifæri og úr fjarlægð var ég heillaður og þegar umboðsmaður minn kom með nokkur tækifæri fyrir mig á þessu svæði þá var ég spenntur að skoða þau,“ sagði Gerrard við heimasíðu sádi-arabísku deildarinnar.