Sænska liðið Rosengård er meistari eftir að hafa gert 1-1 jafntefli við Vittsjö í næst síðustu umferð deildarinnar í dag. Þetta er ellefti titill liðsins frá upphafi.
Íslenska landsliðskonan Glódís Perla Viggósdóttir leikur með Rosengård og hefur spilað lykilhlutverk í liðinu en hún spilaði allan leikinn gegn Vittsjö í dag.
Úrslitin þýða það að Rosengård er með 46 stig þegar ein umferð er eftir, fjórum stigum meira en Gautaborg.
Þetta er fyrsti deildartitill Glódísar frá því hún kom til Rosengård frá Eskilstuna árið 2017.
Glódís hefur tvisvar orðið bikarmeistari með liðinu.
Athugasemdir