Vigdís Edda í Breiðablik (Staðfest)

Vigdís Edda er fædd árið 1999 og leikur alla jafnan sem miðjumaður. Hún er uppalin á Sauðárkróki og var frábær í liði Tindastóls í sumar þar sem hún skoraði 9 mörk í 20 leikjum í deild og bikar.

Hún hefur alls leikið 79 leiki fyrir meistaraflokk Tindastóls og skorað í þeim 25 mörk.

„Við bjóðum Vigdísi Eddu velkomna til Breiðabliks og hlökkum til að sjá hana á vellinum," segir í tilkynningu Blika.

Breiðablik hafnaði í öðru sæti Pepsi Max-deildarinnar á nýliðnu tímabili, tveimur stigum frá Íslandsmeisturum Vals.