Matheus Cunha.
Arsenal hefur áhuga á Matheus Cunha, sóknarmanni Atletico Madrid, samkvæmt heimildum vefmiðilsins Goal.
Arsenal varð fyrir áfalli á meðan HM stóð þar sem Gabriel Jesus meiddist í leik með Brasilíu. Jesus hefur leikið afskaplega vel með Arsenal fyrri hluta tímabilsins.
Eddie Nketiah er kostur í það að leysa Jesus af hólmi en hann á eftir að sannfæra fólk.
Arsenal gæti reynt að styrkja sig framarlega á vellinum til að auka breiddina og er Cunha fáanlegur á markaðnum. Leeds, Aston Villa og Úlfarnir hafa líka áhuga á honum.
Cunha hefur skorað sjö mörk í 54 leikjum fyrir Atletico en hann hefur ekki náð að vinna sér inn fast sæti í byrjunarliðinu hjá spænska félaginu.
Arsenal er sem stendur á toppi ensku úrvalsdeildarinnar með fimm stiga forskot á Manchester City.
Athugasemdir
