„Þetta er klárlega hættulegt hjá Kalla og er vitleysisgangur hjá honum"

„Við vorum grátlega nálægt því og það er pirrandi gegn eins góðu liði og Víkingum."

„Þeir yfirspiluðu okkur í fyrri hálfleik og það er hrós á Víkinga að koma inn í höllina og yfirspila okkur. Þetta var helvíti flott hjá þeim í fyrri hálfleik. Við fengum fínan hárblásara frá Ómari í hálfleik og mættum hungraðari út í seinni hálfleikinn. Við ætluðum að snúa þessu við. Við vorum nálægt því, klárlega."

Karl Friðleifur Gunnarsson, leikmaður Víkings, fékk að líta rauða spjaldið fyrir tæklingu á Eyþóri. Var þetta klárt rautt spjald?

„Alveg 100 prósent. Kalli vinur minn fór klárlega með fótinn alltof hátt upp. Samkvæmt reglubókinni er þetta rautt spjald. Hann átti þetta fyllilega skilið, hann Kalli," sagði Eyþór. „Þetta er klárlega hættulegt hjá Kalla og það er vitleysisgangur hjá honum að láta plata sig í eitthvað svona bull. Ég þekki Kalla og hann er klár, það er bara þannig."

Hægt er að sjá allt viðtalið í spilaranum hér að ofan þar sem Eyþór meðal annars yfir fyrstu vikur sínar í HK.