Gregg Ryder kveður Þór eftir ársveru hjá félaginu.
„Þetta var mjög jafn leikur. Þeir höfðu allt að vinna þar sem að þeir voru að berjast fyrir lífi sínu. Mér fannst við halda boltanum þokkalega í fyrri hálfleik, fengum nokkur færi en nýttum þau ekki. Þetta var bara baráttuleikur þegar uppi var staðið,'' sagði Gregg Ryder, fráfarandi þjálfari Þórs eftir 0-0 jafntefli við Magna í lokaleik Inkasso deildar karla í dag.
Lestu um leikinn: Þór 0 - 0 Magni
Eins og fram hefur komið að þá hættir Gregg með Þór. Hvernig kom það til?
„Ákvörðunin var tekin á miðvikudag. Liðið vildi fara upp um deild, það var okkar eina markmið og við náðum því ekki. Við spiluðum vel fram að 16. umferð, að ég held. Eftir að við spiluðum við Þrótt höfum við ekki spilað vel sex leiki í röð. Það er ástæðan,'' segir Gregg.
„Ég veit ekkert hvað bíður mín í framtíðinni, vegna þess að fyrir miðvikudag þá hélt ég að ég yrði áfram á Akureyri í annað ár. Svo að ég hef bara enga hugmynd.''
Viðtalið má sjá í heild sinni í spilaranum hér að ofan.
Athugasemdir
