Þeir hafa allir skilað flottu starfi fyrir Stjörnuna en Daníel og Hilmar eru tveir af fremstu leikmönnum í sögu félagsins. Daníel hefur spilað vel yfir 500 leiki fyrir félagið og var lengi vel fyrirliði, en hann er núna að leggja skóna á hilluna.

Hilmar Árni hefur frá 2016 raðað inn mörkum fyrir Stjörnuna og verið einn besti leikmaður liðsins. Þórarinn Ingi hefur leikið með Stjörnunni frá 2018 en hann lék áður með FH og ÍBV.

„Liðið og þessir leikmenn eiga skilið að fylla völlinn í sínum síðasta leik. Þetta er tækifærið til þess að þakka þeim fyrir allt sem þeir hafa gert – fyrir augnablikin sem munu lifa í minningum okkar um ókomna tíð!" segir í tilkynningu Stjörnunnar.

„Einnig lifir ennþá von um Evrópusætið og þar af leiðandi er stuðningurinn ekki síður mikilvægur í þeirri baráttu."