Lopetegui var látinn fara frá Sevilla eftir tap gegn Borussia Dortmund í Meistaradeildinni, en hann var ráðinn til Wolves rétt fyrir HM í Katar.

Hann fékk svo smjörþefinn af enska boltanum í kvöld er liðið spilaði við neðrideildarlið Gillingham en viðbrigðin voru mikil. Það tók liðið 77 mínútur að ná í fyrsta markið en það kom úr víti sem Hwang Hee-Chan fiskaði og síðan tvöfaldaði Ryana Ait Nouri forystuna undir lok leiks.

„Stundum fer leikstíllinn eftir andstæðingnum. Við fáum öðruvísi andstæðinga en við fengum í dag. Við spiluðum við lið sem var að spila 6-3-1 í dag og það er alls ekki auðvelt. Auðvitað verðum við að finna leið í gegnum þetta.“

„Þeir eru ekki þessa hættulegu leikmenn sem við munum mæta í úrvalsdeildinni.“

„Þeir hafa verið mjög einbeittir og reynt að komast hjá því að fá föst leikatriði á sig. Ég er ánægður með þá,“ sagði hann í lokin.