Real vill Trent - Man Utd mun ekki reyna við Southgate - Aston Villa býr sig undir að keppa um Williams
Dóri Árna: Þurfum að standa upp og svara almennilega
Höskuldur: Erum að missa stórkostlegan leikmann
Ekki erfitt val þó áhuginn hafi verið mikill - „Mjög góð ákvörðun hjá mér í fyrra"
Stór stund fyrir Kötlu - „Bara alveg frá því ég byrjaði í fótbolta"
Ingibjörg: Ekkert skemmtilegra en að spila með henni
Guðrún létt: Ég verð að fara að drullast til að skora
Fannst misskilningurinn fyndinn - „Aldrei rétt þegar ég er þjálfarinn"
Glódís: Gæti talið upp nokkrar sem mér finnst betri
Mikill heiður að fara í íslensku treyjuna - „Upplifir ekki svona á öðrum stað"
Sveindís fór yfir sigurmarkið: Svo kemur ein fljúgandi á móti mér
Ómar Björn: Loksins að fá að skora á heimavelli
Jón Þór svekktur út í sjálfan sig: Var pínu hikandi að taka menn útaf
Talar um ítölsku ræturnar og góðan varnarleik - „Simeone væri stoltur“
Rúnar Páll: Sól í stúkunni og smá brúnka
Ísak Óli: Særð dýr koma alltaf og bíta frá sér
Ómar: Óhað frammistöðu þá þurfum við að vinna næsta leik
Kjartan Henry: Leikur sem reyndi á allskonar hliðar fótboltans
Hallgrímur Mar: Geggjuð ferð vestur - fórum á Bolafjallið
Haddi eftir átta gul spjöld á KA: Öll miðjan mín er í banni í næsta leik
Davíð Smári ósáttur við Helga Mikael: Hvað segi ég rangt ef ég segi nafn dómarans?
banner
   lau 22. júní 2024 22:49
Haraldur Örn Haraldsson
Arnar Gunnlaugs: Fegurðin í fótboltanum er að 1-0 yfir er ekki neitt
Mynd: Fótbolti.net - Hafliði Breiðfjörð

Arnar Gunnlaugsson þjálfari Víkinga var svekktur með úrslit kvöldsins eftir að liðið hans gerði 1-1 jafntefli við KR á Víkingsvelli.


Lestu um leikinn: Víkingur R. 1 -  1 KR

„Það er náttúrulega súrt að vinna ekki á heimavelli, eða súrt bara að vinna ekki alla leiki. Fyrstu 30 mínúturnar voru frábærar hjá okkur. Svo kemur eitthvað fyrir Halla (Halldór Smára), höfuðhögg og það var eins og allt liðið hafi fengið höfuðhögg, við svona vönkuðumst við það í einhvern smá tíma og þeir jöfnuðu leikinn. Seinni hálfleikur var bara erfitt að spila á móti svona lágvörn og finna glufur. Jafnframt að halda jafnvæginu milli þess að taka ekki allt of mikla sénsa til að fá ekki einhverja skyndisókn í andlitið og allt í einu bara tapa leiknum. Þannig að ég held að KR hafi bara komið með gott leikplan og börðust hrikalega vel. Við gerðum góða hluti líka, þetta var alls ekkert 'disaster'. Við reyndum að spila og skapa færi, það var bara smá vesen í seinni hálfleik. En mér fannst fyrri hálfeikur virkilega öflugur hjá okkur, gott flæði í leiknum."

Axel Óskar Andrésson leikmaður KR virðist hafa tekið Erling Agnarsson niður inn í teig í fyrri hálfleik. Margir Víkingar vildu fá dæmt víti þar en Arnar vildi helst ekki tjá sig of mikið um málið.

„Ég ætla bara að halda mig við það sem ég sagði eftir leikinn á móti Val. Það skiptir engu máli hvað ég segi. Jú jú það getur vel verið að það hafi verið víti eða ekki víti. Það skiptir engu máli."

Víkingur spilaði við Val fyrir aðeins fjórum dögum síðan og það gæti verið að einhverjir menn hafi verið þreyttir.

„Ég gat ekki séð það. Mér fannst fyrstu 30 mínúturnar bara geggjaðar af okkar hálfu. Við vorum alveg með þá í köðlunum og vorum hvað eftir annað að sækja á þá. En bara fegurðin í fótboltanum er að 1-0 yfir er ekki neitt. Þeir voru þreyttir, búnir að hlaupa mikið og svo allt í einu fá þeir mark, vel gert hjá þeim. Það er alltaf vel gert hjá þeim sem skora en ömurlegt fyrir þá sem fá á sig markið. Þá gerist bara það sem gerist alltaf er að hitt liðið fær aðeins meiri innspýtingu og kannski meiri trú á verkefni sem þeir voru búnir að missa trú á. Það sást alveg langar leiðir að þeir voru löngu búnir að missa trú á það sem þeir voru að gera í fyrri hálfleik því við herjuðum svo mikið á þá. Svo kom markið og þá kom trúin aftur, sem kannski fleytti þeim aðeins inn í hálfleikinn. Svo voru þeir bara baráttuglaðir í seinni hálfleik."

Viðtalið má sjá í heild sinni í spilaranum hér fyrir ofan.


Athugasemdir
banner
banner
banner