Alves snéri aftur til Evrópu undir lok síðasta árs og samdi aftur við Barcelona, en félagið ákvað að framlengja ekki samning hans í sumar og var honum því frjálst að ræða við önnur félög.

Þessi 39 ára gamli leikmaður er nú búinn að finna sér nýtt félag en hann mun skrifa undir eins árs samning við Pumas í Mexíkó.

Alves hefur unnið allt sem hægt er að vinna á fótboltaferlinum fyrir utan HM og hefur lagt mikla vinnu í að halda sér í formi fyrir stórmótið.

Alves mun lenda í Mexíkó á næstu dögum til að skrifa undir samning við Pumas en þar kemur fram að samningurinn er til eins árs með möguleika á að framlengja um annað ár.