Frá því síðasti listi var gefinn út spilaði íslenska liðið fjóra leiki og gerði tvö jafntefli og tapaði tveimur. Jafnteflin komu gegn Lettlandi og Litháen í Eystrasaltsbikarnum en töpin komu gegn Sádí-Arabíu og Suður-Kóreu.

Ísland fór hæst upp í 60. sæti á þessu ári en lægst niður í það sæti sem liðið er í núna, 63. sæti.

Jamaíka, liðið sem Heimir Hallgrímsson stýrir, er áfram fyrir neðan Ísland, í 64. sæti.

Brasilía er áfram á toppi heimslistanum þrátt fyrir að hafa fallið úr leik í átta-liða úrslitunum á HM. Argentína, sem vann heimsmeistaratitilinn, er núna í öðru sæti.

Danmörk er á meðal liða sem fellur mest, en liðið fellur um átta sæti eftir að fallið úr leik í riðlakeppninni á HM. Danmörk er núna í 18. sætinu.