Heimild: MBL
Viðar Örn Kjartansson er á förum frá FK Rostov eftir misheppnaða dvöl í Rússlandi.
Hann mun líklega reyna fyrir sér í Tyrklandi næst en hann er þessa stundina að skoða aðstæður hjá ónefndu félagi sem leikur í efstu deild þar í landi.
Frá þessu greindi Morgunblaðið eftir samtal við Ólaf Garðarsson, umboðsmann Viðars.
Viðar er afar eftirsóttur þrátt fyrir slakt gengi í Rússlandi og hafa félög frá Englandi, Danmörku og Svíþjóð meðal annars sett sig í samband við framherjann.
Viðar, sem verður þrítugur í mars, var iðinn við markaskorun í þeim keppnum sem hann lék í áður en hann fór til Rússlands. Hann skein skærast í Svíþjóð en átti einnig góða tíma í Kína og Ísrael.
Athugasemdir