Barbára Sól úlnliðsbrotnaði eftir skot frá samherja

Barbára Sól Gísladóttir, leikmaður Breiðabliks, varð fyrir því óláni að úlnliðsbrotna í leik liðsins gegn Þrótti í gær.

Atvikið átti sér stað á 35. mínútu leiksins þegar boltinn barst út fyrir teig Þróttar og Kristín Dís Árnadóttir, samherji Barbáru, lét vaða og fór boltinn í vinstri hönd Barbáru sem fann vel fyrir því.

Leikurinn var stöðvaður skömmu seinna, Barbára fékk aðhlynningu og var svo skipt af velli fyrir Helgu Rut Einarsdóttur.