Ísland er í erfiðum undanriðli fyrir HM 2026 ásamt Frakklandi, Úkraínu og Aserbaídsjan.
Það kom í ljós í gærkvöldi að Frakkar verða í riðlinum þegar þeir sigruðu Króatíu í vítaspyrnukeppni í 8-liða úrslitum Þjóðadeildarinnar.
Ísland byrjar undankeppnina á heimavelli gegn Aserbaídsjan 5. september en ferðast svo beint út til að heimsækja Frakkland 9. september.
Í landsleikjahlénu í október taka Strákarnir okkar fyrst á móti Úkraínu 10. október áður en Frakkar kíkja í heimsókn þremur dögum síðar.
Í síðasta landsleikjahlénu, í nóvember, heimsækja Strákarnir fyrst Aserbaídsjan áður en þeir halda til Póllands þar sem Úkraína spilar heimaleikina sína. Þessir tveir leikir gætu reynst úrslitaleikir í baráttunni um 2. sæti riðilsins.
Leikjadagskrá Íslands, með fyrirvara um breytingar
5. september Ísland - Aserbaídsjan
9. september Frakkland - Ísland
10. október Ísland - Úkraína
13. október Ísland - Frakkland
13. nóvember Aserbaídsjan - Ísland
16. nóvember Úkraína - Ísland
Athugasemdir
