Stefán Árni Geirsson leikmaður KR spilaði sinn fyrsta leik í langan tíma eftir að hann kom inn af bekknum í dag gegn KA. Stefán hefur verið frá vegna meisla lengi.
Lestu um leikinn: KR 2 - 0 KA
„Algjör stemning, skemmtilegt að vinna geggja lið þannig ég er ánægður". Sagði Stefán þegar hann var spurður út í sigurinn gegn KA í dag. „Þetta var aðeins meira en smá fjarvera hjá mér, ég er búinn að vera frá í næstum því hálft ár en bara ótrúlega ljúf tilfinning. Þetta var fínn fjöldi af mínútum sem ég fékk í dag en jú, bara vaxandi í þessu."
KR færist upp í 7. sæti með sigrinum í dag og þeir hafa sér markmið að blanda sér í evrópubaráttuna.
„Síðan erum við ennþá í bikarnum og við stefnum bara á að vinna fleiri leiki, spila betri fótbolta og taka bara einn leik í einu og koma okkur ofar upp töfluna."
KR-ingar eru komnir í undanúrslit í bikar og munu mæta Víkingum þar.
„Það er alltaf skemmtilegt að spila fótboltaleiki en það er ennþá skemmtilegra að spila á móti Víking og það eru bara allir mjög spenntir fyrir þeim leik."
Viðtalið má sjá í heild sinni í spilaranum hér fyrir ofan.
