Greint var frá því í Pepsi Max stúkunni nú í kvöld að Víkingur Reykjavík væri búið að bjóða Rúriki Gíslasyni tilboð.
Rúrik er staddur á Íslandi en umræða hefur verið í gangi að hann sé mögulega að fara ganga í raðir HK en nú virðist sem Víkingur ætli að reyna að klófesta þennan reynslumikla leikmann.
Rúrik er staddur á Íslandi en umræða hefur verið í gangi að hann sé mögulega að fara ganga í raðir HK en nú virðist sem Víkingur ætli að reyna að klófesta þennan reynslumikla leikmann.
„Orðið á götunni er að Rúrik sé með tilboð úr Fossvoginum. Það sé bara alvöru tilboð," sagði Guðmundur Benediktsson í Pepsi Max stúkunni nú í kvöld.
„Já, ég hef heyrt þetta líka," svaraði Hjörvar Hafliðason.
Rúrik á 53 landsliðsleiki að baki með Íslenska landsliðinu og hefur hann skorað í þeim þrjú mörk. Þá á hann 351 leik í atvinnumennsku og hefur hann þar gert 40 mörk og 26 stoðsendingar.
Rúrik spilaði síðast með Sandhausen í Þýskalandi.
Athugasemdir
