Fyrstu umferð á fótboltamóti Ólympíuleikanna er lokið þar sem sigurstranglegt lið Frakklands vann auðveldan sigur gegn Bandaríkjunum.
Staðan var markalaus í leikhlé þrátt fyrir yfirburði Frakka en gæðamunur liðanna var augljós í seinni hálfleik, þegar Alexandre Lacazette skoraði fyrst sjálfur og lagði svo upp fyrir Michael Olise.
Frakkar unnu leikinn að lokum 3-0 eftir að Loïc Badé skoraði þriðja og síðasta markið á lokakaflanum.
Japan rúllaði þá yfir tíu leikmenn Paragvæ með fimm mörkum gegn engu, þar sem Shunsuke Mito og Shota Fujio skoruðu sitthvora tvennuna.
Írak lagði Úkraínu að velli 2-1 og þá skildu Malí og Ísrael jöfn, 1-1.
Frakkland 3 - 0 Bandaríkin
1-0 Alexandre Lacazette ('61)
2-0 Michael Olise ('69)
3-0 Loic Bade ('85)
Japan 5 - 0 Paragvæ
Írak 2 - 1 Úkraína
Malí 1 - 1 Ísrael
Athugasemdir
