Minningarsjóður Baldvins Rúnarssonar hefur safnað hátt upp í 4 milljónir króna í sumar og munu 49 manns hlaupa í minningu hans í Reykjavíkurmaraþoninu í dag.
Það verður hægt að heita á hlauparana til miðnættis á mánudag og mun móðir Baldvins hlaupa 10 kílómetra. Hún er í 3. sæti yfir þá einstaklinga sem safnað hafa mestu í Reykjavíkurmaraþoni Íslandsbanka.
Baldvin, sem var fyrst leikmaður og síðan þjálfari hjá Þór, tók sjálfur þátt í maraþoninu sumarið 2016 og safnaði meira en einni og hálfri milljón fyrir gott málefni.
Baldvin glímdi við krabbamein í mörg ár áður en hann lést í byrjun sumars, aðeins 25 ára að aldri.
Athugasemdir
