Byrjunarlið Liverpool og Sheffield: Diogo Jota og Brewster byrja

Diogo Jota byrjar í sóknarsinnuðu liði heimamanna þar sem hann mun spila í afar öflugri sóknarlínu ásamt Sadio Mane, Mohammed Salah og Roberto Firmino.

Í sóknarlínu gestanna má finna Rhian Brewster sem er nýkominn til Sheffield frá Liverpool fyrir rúmlega 20 milljónir punda. Þetta verður fyrsti byrjunarliðsleikur Brewster með Sheffield en hann spilaði 27 mínútur í jafntefli gegn Fulham um síðustu helgi.

Ekki er mikið um nýjungar í byrjunarliðunum en ljóst er að þetta er mikilvægur leikur fyrir bæði lið sem þurfa að safna stigum hið snarasta. Liverpool fyrir titilbaráttuna og Sheffield fyrir fallbaráttuna.

Alisson er kominn aftur á milli stanga Liverpool eftir meiðsli. Hann átti ekki að snúa aftur fyrr en í nóvember.

Liverpool: Alisson, Alexander-Arnold, Fabinho, Gomez, Robertson, Henderson, Wijnaldum, Jota, Mane, Salah, Firmino
Varamenn: Adrian, Milner, Jones, Minamino, Shaqiri, Phillips, N.Williams

Sheffield Utd: Ramsdale, Baldock, Basham, Egan, Ampadu, Stevens, Lundstram, Berge, Osborn, McBurnie, Brewster
Varamenn: Verrips, Norwood, Sharp, Robinson, Jagielka, Burke, McGoldrick