Chelsea er búið að skrifa undir auglýsingasamning við fjarskiptafyrirtækið 3 sem verður aðalstyrktaraðili framan á treyjum félagsins.
Merki fyrirtækisins verður á treyjum aðalliðs Chelsea, kvennaliðsins og akademíuliðanna.
3 tekur við af Yokohama sem gerði fimm ára samning við Chelsea sumarið 2015. Sá samningur var 200 milljón punda virði.
Ekki er ljóst hversu mikið 3 borgar en verðmætasti treyjusamningurinn er sá sem Manchester United er með við Chevrolet. Bílaframleiðandinn greiðir 53 milljónir punda á ári til Rauðu djöflanna.
Athugasemdir