Manchester United galopnaði veskið til að kaupa Antony.
Antony verður í umræðunni yfir verstu leikmannakaup í sögu Manchester United. Þetta segir Simon Stone, ritstjóri fótboltafrétta á BBC.
Brasilíumaðurinn er að ganga í raðir Real Betis, á lánssamningi út tímabilið en spænska félagið mun borga 84% af launum hans.
Brasilíumaðurinn er að ganga í raðir Real Betis, á lánssamningi út tímabilið en spænska félagið mun borga 84% af launum hans.
Stone segir að hægt sé að heillast af sögu Antony, sem ólst upp í mikilli fátækt og í hættulegu umhverfi í fátækrahverfi.
„Ef þú getur aðskilið baksöguna frá því sem hann hefur gert sem leikmaður Manchester United er ómögulegt að álykta annað en að kaupin á honum hafi verið stór mistök. Öll félög hafa gert misheppnuð leikmannakaup en stór verðmiði Antony gerir hann að einum þeim verstu," segir Stone.
Antony var keyptur frá Ajax á 81,3 milljónir punda 2022 og varð næstdýrasti leikmaður í sögu Manchester United. Þetta var fjórða hæsta verð sem enskst úrvalsdeildarfélag hafði borgað fyrir leikmann.
Antony, sem er 24 ára, hefur aðeins skorað eitt mark á tímabilinu en það kom í deildabikarnum. Í 96 leikjum fyrir United hefur Antony skorað 12 mörk og átt 5 stoðsendingar.
„Antony þurfti nýtt upphaf. Það er vonandi að hann geti endurvakið feril sinn hjá nýju félagi. En hann mun aldrei losna við þann stimpil að vera ein verstu kaup í sögu Manchester United," segir Stone.
Athugasemdir
