Jóhannes Karl Guðjónsson, þjálfari ÍA.
Jóhann Karl Guðjónsson, þjálfari ÍA, var auðvitað hress og kátur eftir 3-2 sigur á Keflavík í lokaumferð Pepsi Max-deildarinnar. ÍA náði að halda sæti sínu í efstu deild með sigrinum.
Lestu um leikinn: Keflavík 2 - 3 ÍA
Skagamenn lentu 2-0 undir á 63. mínútu, en 12 mínútum síðar voru gestirnir af Akranesi komnir í forystu. Magnaður viðsnúningur.
„Þetta er svolítið mögnuð tilfinning. Leikurinn var skrítinn, hvernig hann þróaðist. Við vorum með mikla yfirburði í fyrri hálfleik, fengum víti og fullt af færum til að skora. Svo neglir Ástbjörn boltanum í vinkillinn seint í fyrri hálfleik. Við vorum með mikla yfirburði og spiluðum fínan fótbolta. Hlutirnir virtust ekki vera að detta með okkur," sagði Jói Kalli.
„Við lendum 2-0 undir með sjálfsmarki. Karakterinn sem þessir gæjar sýna, þetta er ótrúlegt. Ég er búinn að segja það í allt sumar að ég hef gríðarlega mikla trú á þessum strákum og þeir sönnuðu það fyrir öllum landsmönnum að þeir eru magnaðir gæjar. Magnaðir gæjar!"
„Viðbrögðin sem við fengum úr stúkunni þegar Alex Davey skorar voru fáránleg. Þegar við vorum 2-0 undir, þá var fólkið enn að styðja okkur. Auðvitað skiptir þetta máli, að fólkið standi svona á bak við okkur," sagði Jói Kalli.
Allt viðtalið má sjá hér að ofan.
Athugasemdir
