Frá æfingu Íslands í morgun.
Ísland spilar á morgun við sterkt lið Þýskalands í öðrum leik sínum í Þjóðadeildinni.
Stelpurnar byrjuðu Þjóðadeildina á því að vinna 1-0 sigur gegn Wales á Laugardalsvelli.
Stelpurnar byrjuðu Þjóðadeildina á því að vinna 1-0 sigur gegn Wales á Laugardalsvelli.
Frá því okkar lið lenti í Þýskalandi þá hafa þær haft aðsetur í Düsseldorf og þær hafa æft á æfingasvæði fótboltafélagsins BV 04 hér í borg.
Þær tóku sína síðustu æfingu fyrir leik í morgun en það tíðkast oftast að lið æfi á keppnisvellinum daginn fyrir leik. Íslenska liðið kaus að gera það ekki í þetta skiptið.
Leikurinn fer fram í Bochum sem er í um 40 mínútna akstursfjarlægð frá Düsseldorf. Í staðinn fyrir að leggja um eins og hálfs tíma ferðalag á leikmenn daginn fyrir leik, þá var ákveðið að æfa bara í Düsseldorf. Liðið hefur fengið að æfa þar við góðar aðstæður. Fyrir æfinguna í dag voru tekin viðtöl sem má horfa á hér fyrir neðan.
Leikurinn á morgun fer fram á Ruhrstadion í Bochum en hann er með pláss fyrir um 26 þúsund manns.
Athugasemdir
