Sóknarmaðurinn Orri Steinn Óskarsson varð í kvöld sautjándi Íslendingurinn til að spila í Meistaradeild Evrópu en hann kom inn sem varamaður á 81. mínútu þegar FC Kaupmannahöfn tapaði 3-0 gegn Sevilla á útivelli.
Orri varð jafnframt yngstur Íslendinga til að spila í keppninni en hann er 18 ára og 57 daga gamall, eins og fjallað er um á mbl.is.
Orri varð jafnframt yngstur Íslendinga til að spila í keppninni en hann er 18 ára og 57 daga gamall, eins og fjallað er um á mbl.is.
Arnór Sigurðsson átti fyrra met yfir yngsta Íslending Meistaradeildarinnar, hann var 19 ára og 127 ára gamall þegar hann lék fyrir CSKA Moskvu í keppninni.
Í fyrsta sinn komu þrír Íslendingar við sögu í sama leiknum í Meistaradeildinni í leiknum á Spáni í kvöld. Ísak Bergmann Jóhannesson og Hákon Arnar Haraldsson voru báðir í byrjunarliði danska meistaraliðsins.
Orri Steinn er U21 landsliðsmaður Íslands og fór í unglingastarf FCK 2020, frá uppeldisfélagi sínu Gróttu. Faðir hans er Óskar Hrafn Þorvaldsson, þjálfari Íslandsmeistara Breiðabliks.
Athugasemdir