Það var alvöru hiti eftir leik Manchester City og Liverpool á Etihad-leikvanginum í dag þar sem þeir Darwin Nunez og Pep Guardiola tókust á.
Guardiola fór til Nunez og tókust þeir í hendur en þá hófst rifrildi sem Jürgen Klopp, stjóri Liverpool, þurfti að stöðva.
Klopp skildi að vísu ekki orð í því sem fór fram á milli þeirra.
„Ég átti engan þátt í þessu, sem kemur kannski á óvart. Ég skildi ekki orð en það voru tilfinningar í þessu. Pep vill vinna og við viljum það líka,“ sagði Klopp.
Guardiola talaði einnig stuttlega um atvikið á blaðamannafundi.
„Hann er bara sterkari en ég. Það gerðist ekkert og það var enginn pirringur Ég er mjög ánægður. Næsta spurning?“ sagði og spurði Guardiola.
El cruce entre Darwin Núñez y Pep Guardiola ???? pic.twitter.com/xTME5CsKRA
— Luis Omar Tapia (@LuisOmarTapia) November 25, 2023
Athugasemdir
